Кыргызстандын жаранын атып өлтүргөн өзбек чек арачыларына кылмыш иши козголду

Кыргызстандын жаранын атып өлтүргөн өзбек чек арачыларына Кадамжай райондук Ички иштер башкармалыгы кылмыш ишин козгоду. Бул тууралуу бүгүн, 20-июнда аталган башкармалыктын тергөө бөлүмүнүн башчысынын орун басары Алдаяр Иманазар уулу билдирди. Айтымында, 3 чек арачыга Кылмыш жаза кодексинин “кишини өзгөчө мыкаачылык менен өлтүрүү” жана “бирөөнүн мүлкүн мыйзамсыз ээлеп алуу” беренелери боюнча кылмыш иши козголгон.