Орусияда кыздык белгисинен айрылган жаран төрөт үйүн сотко берди

Орусиянын Новосибирск шаарынын тургуну гинекологго кайрылып, кыздык белгисинен айрылып калгандыгы үчүн жергиликтүү төрөт үйүн сотко берди. Бул тууралуу чет элдик маалымат булактары жазып чыкты.

Новосибирск шаарынын 29 жаштагы тургуну 1 жыл мурда аймактагы төрөт үйүндөгү гинекологго кайрылган. Ал 29 жашка чыкса дагы кыздык белгиси бар экенин дарыгерге эскерткен. Бирок дарыгер медициналык кароо учурунда бейтаптын кыздык аруусуна доо кетирип алган. Мындан улам жабырлануучу арыз менен сотко кайрылган.

Аймактык сот төрөт үйү жабырлануучуга 45 миң рубль төлөп берүү чечимин кабыл алган. Ал эми иш учурундагы шалаакылыгы үчүн гинеколог жумушунан кол жууган.