Кытайда 4 жаштагы кыз чач байлагычты колуна тагып жүрүп, ал этине кирип кеткен

Кытайда 4 жаштагы кыз жарым жыл бою чач байлагычты колуна тагып жүрүп, ал этине кирип кеткен. Мындай маалыматты чет элдик басылмалар жазып чыкты.

Маалыматка ылайык, Кытайдын Аньхой провинциясынын жашоочусу билерик катары чач байлагычты колуна тагып жүргөн. Ал чоң атасы, чоң апасы менен жашаган. Ата-энеси акча табуу үчүн башка провинцияда иштеп жүргөн.

Кичинекей кыз январь айында колу ооруп, кыймылга келбей жатканын айткан. Бирок чоң атасы менен чоң энеси небересинин шишиген колун көргөнү менен, эч кандай чара колдонгон эмес. Кыздын ата-энеси мындай кабарды уккандан кийин дароо келип, ооруканаларга кайрылган. Бирок бир нече дарыгерлер кыздын колун көрүп, эмне болгонун айта алган эмес.

Акырында ультра үндүү эхографиядан өткөндөн кийин дарыгерлер кыздын колунда чач байлагыч бар экенин аныкташкан. Ошондой эле чач байлагыч колдун этинде жарым жылдан бери жүргөнүн айтышкан. Так аныктама чыккандан кийин хирургдар чач байлагычты 30 мүнөттүн ичинде алып салышкан.

Учурда кыздын абалы канааттандырарлык.