АКШда 93 жаштагы кемпир кенелерге жем болуп көз жумду

АКШда 93 жаштагы кемпир кенелерге жем болуп көз жумду. Бул тууралуу чет элдик маалымат каражаттары жазып чыгышты.

Маалыматка ылайык, Лафейетт шаарында жайгашкан карылар үйүнүн биринде бир кездеги белгилүү модель, алып баруучу 93 жаштагы Ребекка Зени кенелерге жем болуп каза болду. Карыган аял көп жылдан бери миллиондогон мите курттардан жабыркап келген, майда курттар анын колун тирүүлөй жеп жүргөн.

"Мен өзүмдүн тажрыйбамда мындай окуяны биринчи жолу көрүшүм", - деп билдирген патологоанатом.

Белгилүү болгондой, Зенинин туугандары болгон эмес. Азыркы тапта адвокаттар карылар үйүнүн жетекчилигин жана жергиликтүү саламаттыкты сактоо департаментин сотко берди.

"Адамды кантип ушунча кыйнашты, эч түшүнө албай турам. Бул окуяны адам өлтүрүү деп эле эсептесе болот", - деп билдирген адвокат.

Карылар үйүнүн кызматкерлери билдиргендей, Ребекка Зени жугуштуу оорудан жабыр тартканына байланыштуу аларга кемпирге тийүүгө уруксат жок болгондугунан улам эч кандай жардам көрсөткөн эмес.