Токтогул районунун 21 жаштагы тургуну бир канча күндөн бери дайынсыз болуп изделүүдө

Токтогул районундагы Чоң-Арык айылынын 1997-жылы туулган Т.уулу.А. аттуу тургуну жыйырма күндөн бери дайынсыз болуп изделүүдө. Бул тууралуу ӨКМнын маалымат кызматынан кабарлашты.

Маалым болгондой, жакындары Т. уулу А. 11-апрель күнү үйүнөн чыгып кеткен боюнча дайынсыз жоголгонун айтып, 18-апрелде издөө иштерине жардам берүү өтүнүчү менен кайрылышкан.

Издөө иштерине ӨКМдан 11 куткаруучу, РИИБден 25 кызматкер, суу чарба башкармалыгынан 10 кызматкер, РЭТ мекемесинен 6 кызматкер жана жергиликтүү тургундардан 70 адам тартылып издөө иштерин жүргүзүп башташкан. Бирок ӨКМ издөө аракетинен натыйжа чыкпагандыктан издөө иштери токтотулганын кабарлашты.

"27-апрель күнү издөө иштерине ӨКМдан 10 куткаруучу, РИИБден 15 кызматкер, жергиликтүү тургундардан 40 адам тартылган. Натыйжа болбогондуктан издөө иштери токтотулду", - деп билдиришти басма сөз кызматынан.