Супер-Инфо
super.kg видео
Абылгазиев: "Саясий окуялар Дүйнөлүк көчмөндөр оюндарын өткөрүү сапатына таасирин тийгизбеши керек"
Премьер-министр Мухаммедкалый Абылгазиев III Дүйнөлүк көчмөндөр оюндарын өткөрүүгө даярдык көрүү боюнча кеңешме өткөрдү. Бул тууралуу бүгүн, 2-майда өкмөттүн басма сөз кызматы билдирди.
Маалыматка ылайык, өкмөт башчы Дүйнөлүк көчмөндөр оюндары сыяктуу масштабдуу иш-чараларды өткөрүү Ысык-Көл облусунун туристтик потенциалын кеңейтүүдө жана өлкөнүн дүйнөлүк аренадагы кадыр-баркын илгерилетүүдө таасирдүү аянтча болуп кала турганын белгиледи.
"Кыргыз эли нечен кылымдык тарыхы бар, бай жана кайталангыс маданиятка ээ. Дүйнөлүк көчмөндөр оюндары биздин салт-санаабызды, спорттун улуттук түрлөрүн жана өзгөчөлөнгөн маданиятыбызды дүйнө жүзүнө дагы бир жолу даңазалап алуунун кайталангыс мүмкүнчүлүгү", - деди Абылгазиев.
Кеңешменин жүрүшүндө премьер-министрге негизги иш-чаралардын мазмундук бөлүгүнө карата даярдыктардын жүрүшү, инфраструктура, логистика, коопсуздукту камсыздоо боюнча тийиштүү маселелердин чечилиши жана укук тартиби тууралуу маалымат берилди.
Өкмөт башчы республикада бул сыяктуу масштабдуу иш-чараларды өткөрүүдө жетиштүү тажрыйба топтолгонун белгилеп кетти.
"Биздин команда алдыга коюлган милдеттерди чечүүгө, кетирилген кемчиликтерди оңдоого жөндөмдүү. Мамлекеттин саясий турмушундагы окуялар III Дүйнөлүк көчмөндөр оюндарын өткөрүү сапатына таасирин тийгизбеши керек. Ар бир мамлекеттик орган, жергиликтүү бийликтин өкүлдөрү оюндарды жогорку уюштуруучулук деңгээлде өткөрүү үчүн бардык күч-аракетин жумшашы керек. Мындан бүтүндөй өлкөнүн кадыр-баркы көз каранды", - дейт өкмөт башчы.
Кеңешменин жыйынтыгы боюнча премьер-министр кыска мөөнөттө Дүйнөлүк көчмөндөр оюндарын өткөрүүгө даярдык көрүүгө тийиштүү бардык маселелерди чечүүнү, бюджеттик жана демөөрчүлүк каражаттардын максаттуу пайдаланылышын камсыздоону тапшырды.
-1
Эл каршы Кочмондор оюнун откорууго!!!
Учурда Кыргызстандын тышкы карызы 4,5 млрд $ болсо, анын тен жарымы Кытайга болгон карызыбыз. Биздин жылдык бюджетибиз болсо 2 млрд $га жетпейт.
Ошондо оюн-зоок куруп ансайын белченерден карызга батып, эртен карызга деп жеринерди карматып кала бересинерби?!!
Бизге бир кундук мактоо керек эмес дуйно элинин, бизге оз топурагыбыз, Мекенибиз керек баарынан да!!!
Сокенин акылы болсо ушундай да Окмот курайбы?!! Сокенин акылы жетик болсо кайсы арына Кочмондор оюнун откорот, карыз бизди алкымдап турганда?!!
20 жыл саясатта журуп элге пайдасы тийбеген Жээнбеков эми пайдасы тиймек беле элге, зыяны эле тийбесе......
Ошону менен соттук отурумдар Кыргызстанда 5-10 жыл созулуп журо берет... Кытайда миллиардер болсон да карап отурбай окум чыгат аз убакытта, олум жазасына чейин. Бизде болсо тоок, козу, телефон уурдагандар камалат, миллиондорду жегендер эркиндикте журот, Ак уйдон кызмат берилет. Мына сага парадокс.
Атамбаев жок жерден, эч иш бутурбой эле кыргыз элинин мойнуна 2-3 млрд доллар карыз илип койду. Эл эми журо берсин, жебеген самсага пул толоп. Ансыз да жокчулуктун, жумушсуздуктун айынан элдин жарымы талаалап тентип журсо, кайсы арынарга оюн-зоок откоросунор?!!
Кытай эртен карызын доолайт. Бир ТВЕАдан отчет сураганга духу жетпеген Окмот менен Жогорку Кенеш, эртен Кырнызстанды кармата беришет Кытайга. Аны ойлогон эч ким жок азыр Окмотто, жеш керек, уурдаш керек Окмоттогулорго...