Баткен облусундагы чек арада болгон окуя боюнча сүйлөшүүгө Фергана районунун акими келген жок

21-июнда Баткен облусунун губернатору Жеңиш Разаков чек арадагы ок атуу боюнча Өзбекстандын Фергана районунун акими менен жолукканы жатканы кабарланган. Бирок Өзбекстандын райондук деңгээлдеги жетекчилери гана келип, Өзбекстан чек арачылардын огунан мерт болгон кыргыз жарандын унаасын өткөрүп берип, окуя боюнча кылмыш иш козголгонун гана маалымдап кетип калышкан. Бул тууралуу өкмөттүн Баткен облусундагы өкүлчүлүгүнөн билдирди.