Ош шаарында "Кыз намысы кымбат" аттуу сынак өттү

Ош шаарында "Кыз намысы кымбат" деген аталыштагы сынак өттү. Бул тууралуу маалыматты Ош шаардык мэриясынын басма сөз кызматынан бүгүн, 2-майда кабарлашты.

Берилген маалыматта айтылгандай, иш-чара Ош шаардык мэриясынын жаштар иштери боюнча комитети тарабынан өткөрүлгөн.

"Аталган сынактын максаты - кыздарды тазалыкка, адеп-ахлакка, эстүүлүккө чакыруу. Сынакка аймактык кеңештерден жана шаардагы мектептерден 11 команда катышкан. Алар калыстар тобуна жана көрүүчүлөргө саламдашуунун эрежелерин, ыр-бий, жаштарга тарбиялык мааниси бар театрлаштырылган көрсөтмөлөрдү аткарып беришти. Жыйынтыгында Манас-Ата аймактык кеңешинен катышкан команда 1-орунга ээ болду", - деп жазылат маалыматта.

Ошондой эле алдыңкы орундарды ээлеген командаларга уюштуруучулар тарабынан диплом жана белектер тапшырылган.