Журналист Эрнис Кыязов 5-каналга жетекчи болду

Журналист Эрнис Кыязов "5-канал" Жабык акционердик коомунун башкы директору болуп шайланды. Бул тууралуу маалыматты Мамлекеттик мүлктү башкаруу фондунан SUPER.KG порталына бүгүн, 3-майда кабарлашты.

"Эрнис Кыязов "Бешинчи канал" ЖАКсынын жалгыз акционери "Жыйырма бешинчи кадрдын" чечими менен кечээ, 2-майда директор болуп шайланды", - деп жазылат маалыматта.

- Кыязов Эрнис Абибиллаевич,

1977-жылдын 15-ноябрында Ош облусунун Кара-Суу районунда туулган.

1994-1999-жылдары Кыргыз улуттук университетинин Журналистика факультетинде билим алган.

Эмгек жолу:

- 1997-1998-жылдары "Кыргыз Руху" гезитинин штаттан тышкаркы кабарчысы;

- 1999-жылы - Мамлекеттик телерадиокомпаниясынын жаңылыктар, "Замана" берүүлөрүнүн алып баруучусу, редактору;

- 2000-2005-жылдары - КООРТ телеканалынын кабарчысы, жаңылыктардын алып баруучусу, "Апта" аналитикалык программасынын алып баруучусу;

- 2005-жылы ЖКнын аппаратынын маалымат кызматынын башчысынын орун басары, "Парламент" берүүсүнүн алып баруучусу. (Мамлекеттик кызматтын 3-даражадагы кеңешчиси);

2005-2007-жылдары - Улуттук телерадиокорпорациясындагы "Багыт" автордук берүүсүнүн автору жана жетекчиси, "Кыргызстан" маалымат-аналитикалык редакциянын продюсери,

2007-2008-жылдары - УТРКнын башкы директорунун орун басары;

2009-2010-жылдары - УТРКдагы "Замана" студиясынын продюсери, Социалдык-экономикалык жана инновациялык программалардын бөлүмүнүн продюсери, "Сөз ирмем" телеберүүсүнүн автору, "Достук көпүрөсү" эл аралык теледолбоорунун алып баруучусу;

2010-2013-жылдары - ЭлТР коомдук телерадиокомпаниясынын Жаңылыктар бөлүмүнүн башкы продюсери;

2013-2014-жылдары - "Ош ТВ" телерадиокомпаниясынын башкы директору;

2015-жыл - НТС телеканалындагы "Ар тарап" ток-шоу берүүсүнүн алып баруучусу.

Үй-бүлөлүү, 4 баланын атасы.