Азия Кубогу-2019: Бүгүн командаларды тайпага бөлүү үчүн чүчү кулак ташталат

Бүгүн, 4-майда 2019-жылы Бириккен Араб Эмираттарында өтө турчу футбол боюнча Азия биринчилигине катыша турчу командаларды тайпаларга бөлүү үчүн чүчү кулак ташталат.

Мелдешке Азиянын мыкты делген 24 курамасы катышат. Алар 6 топко бөлүнөт. Ар бир топто 4 курама болот.

Кыргыз өлкөсү менен бирге 3-себетте Ливан, Палестина, Оман, Индия жана Вьетнам курамалары түшкөн. Мындан улам бул курамалар бир топко түшпөйт.

1-себет: БАЭ (мелдештин ээси), Иран, Австралия, Япония, Корея, Сауд Арабиясы;

2-себет: Кытай, Сирия, Өзбекстан, Ирак, Катар, Таиланд;

3-себет: Кыргыз өлкөсү, Ливан, Палестина, Оман, Индия, Вьетнам;

4-себет: Түндүк Корея, Филиппин, Бахрейн, Иордания, Йемен, Түркмөнстан.

Эске салсак, Азия биринчилиги 2019-жылдын 5-январынан 1-февралына чейин Бириккен Араб Эмираттарынын Дубай, Абу-Даби, Эль-Айн жана Шарджа шаарларында орун алган 8 стадиондо өтөт.