SUPER TV: Жүрөк сыры. "Кайын журттун каарынан тажадым. Күйөөм менен ажырашамбы?"

Сүйүү, күтүү, табышуу, ажырашуу, кайгы жана бакыт... Так ушул сезимдер, турмуштан алынган жүрөк сырлары "SUPER TV'нын" "Жүрөк сыры" долбоорунда.

Кайын журттун келиндин жашоосуна кийлигишкени, тили тийген окуялар арбын. Айрым келиндер келген күндөн тартып, ар кандай сыноого туш болуп, турмуштун чоң соккусуна кабылат. Жогорудагы "Жүрөк сыры" - кайын журттун каарынан тажап, үй-бүлөмдү сактап кала аламбы деп чайналып турган келиндин арманы.

– Сен келгенден бери ишибиз жүрүшпөй койду! Атамды жерге бердик, насыядан башыбыз чыга элек! Көк мээ иним сага кайдан үйлөнүп калды эле?!

– Эже, үйдөгү жамандыктардын баарына менин тиешем жок болсо керек...

Кайнежемдин ачуу сөз­дөрүнөн ушинтип коргоном. Үйдө кайненем, кайнатам, күйөөдөн ажырашып келген кайнежем, кайын сиңдим менен жашачубуз. Жакында эле кайнатам каза болуп, жерге бердик. 3 жылдан бери насыя төлөп кыйналган күйөөм Нурбек атасын "бул дүйнөдөн татыктуу узатам, эл эмне дейт" деп намыстанып бирөөдөн үстөккө акча алып, карызга белчесинен батты. Үйдө Нурбек жалгыз эркек, каржы жагын толугу менен жолдошум тейлейт. Кайын сиңдимди окутуп, оорукчан кайненемди жыл сайын санаторийге дарылатып турат.

Окуянын видеосун толугу менен шилтеме аркылуу өтүп, "SUPER TV'дан" көрүңүз.