Бишкекте интим кызматын көрсөтүп кармалган кыздар жетекчисинин үйүндө иштешкен. Үйдө 6 жашар бала да жашаган

30 кыз интернет аркылуу интим кызматын көрсөткөн студиянын жетекчиси А.Д. аттуу жаран өзү жашаган үйдү студия катары да пайдаланган. Бул ишке анын жубайынын да тиешеси бар экенин SUPER.KG порталына Бишкек ШИИББинен билдиришти.

"А.Д. студияны жалгыз өзү иштеткен эмес. Ал менен чогуу уюштуруу иштерин аткарып жүргөн адамдар болгон. Кармалган тургун бул иш менен көптөн бери алектенип жүргөн. Интим студиясын иштеткендер алгач кыздарды алдоо жолу менен алып келишкен. Мисалы, кыздардын бул жумушка кызыгуусун арттыруу үчүн атайын дептерге мурда иштеген кыздардын тапкан акчасынын суммасын 4-5 эсе көбөйтүп жазып коюшкан. Мындай аракетти алар жаш кыздар акчага азгырылышы үчүн жасашкан.

Интим кызматын көрсөтүп иштеген кыздар болжол менен күнүгө 500 доллардан жогору акча тапканы аныкталды. А.Д. студия катары пайдаланган үйдө өзүнүн үй-бүлөсү менен жашаган. Анын 6 жаштагы баласы вебмоделдер иштеген бөлмөгө коюлган компьютерден мультфильм көрүп отурганы аныкталды. Учурда бул ишке тиешеси бар адамдарды кармоо аракети жүрүүдө. Ал эми А.Д.нын баш коргоо чарасын кароого тиийштүү документтер сотко жөнөтүлдү", - деди басма сөз кызматы.

Эске салсак, Бишкек шаарында интернет аркылуу интим кызматын көрсөткөн студиянын жетекчиси жана анда иштеген 30 кыз кармалган. Кармалган кыздар Бишкек шаарындагы ЖОЖдордо окуганы аныкталган.
Интим кызматын көрсөткөндөр райондук ички иштер бөлүмүнө түшүнүк кат жазышкан соң үйлөрүнө коё берилгенин Бишкек ШИИББи билдирген.