Медведев кайра премьер болду

Дмитрий Медведев Орусиянын өкмөт башчылыгына кайра келди. Бул тууралуу чет элдик басылмалар жазып чыгышты.

Маалыматка караганда, Медведевдин талапкерлигин Мамлекеттик Думанын 379 депутаты колдоп берсе, 56 депутат каршы болду. Мамлекеттик Думадагы 4 фракциянын ичинен "Адилет Орусия" жана Коммунисттер фракциясы Медведевдин кайра келишине каршы болушту.

Медведев 2012-жылдан бери өкмөт башчылыкта иштеп келе жатат, ага чейин 2008-2012-жылдары Орусиянын президенти болгон, ал учурда өкмөттү Владимир Путин жетектеп турган.

Эске салсак, 7-май күнү Владимир Путин өкмөт башчы кызматына Дмитрий Медведевдин талапкерлигин кароону Мамлекеттик Думага сунуштаган.