"Замандаш-Современник" партиясынын өкүлү: "Бишкектин борбордук бөлүгүндөгү ишканаларды жаңы конуштарга көчүрүү керек"

"Замандаш-Современник" партиясынын өкүлү Акылбек Сейитов Бишкектеги жаңы конуштардын коммуналдык көйгөйлөрүн жаңы конуштарга ишканаларды куруу менен чечсе болот деп эсептейт. "Биздин партиянын негизги максаттарынын бири - жакынкы арада шаар четиндеги жаңы конуштарды Бишкектин деңгээлине жеткирүү. Бул боюнча бизде толук мүмкүнчүлүк бар. Азыр Бишкек мэриясына караштуу "Тазалык" ишканасы жаңы конуштар менен иштешпейт. Конуштун жашоочулары кыйналышса да, өз маселелерин өздөрү бүтүрүп келе жатышат. Биздин оюбузча, шаардын борборундагы өндүрүш ишканаларын шаардын сыртына жайгаштырыш керек. Ошондо ал жерде жаңы жумуш орундары түзүлүп, аны менен кошо коммуналдык көйгөйлөр чечиле баштайт",- деп билдирди Акылбек Сейитов теледебат учурунда.