Супер-Инфо
super.kg видео
ЭЛДИК КАБАР: "Бишкекте Жол кыймылынын коопсуздугун камсыздоо башкармалыгындагы кезек күтүү сааттап созулат"
"Бишкек шаардык жол кыймылынын коопсуздугун камсыздоо башкармалыгына барган айдоочулар кезек күтүү көпкө созулгандыктан кадимкидей эле уктап күн өткөрүшөт", - деп окурман "Элдик кабарга" жазды.
Анын айтымында, ал мындай узун кезек күтүүгө барган сайын туш болот жана абалдан эч бир өзгөрүүнү көрбөйт.
"Шаар тургундары анын ичинен унаа айдагандар өтө көп. Ар кандай жумуш менен келгендер бар, бирок тейлегендер аз. Буга кошумча кызматкерлердин түштөнүү убактысы 2 саат. Анда ансыз да узун кезек ого бетер көбөйөт. Айрым айдоочулар кадимкидей эле келип алып укташат. Мен да айдоочулук күбөлүгүмдү алуу үчүн келип канча деген жумушумдан калдым. Кана сапаттуу тейлөө? Сааттап кезек күттүрүүбү? Мындай абал Бишкекте эле эмес аймактарда да бар экенин билем. Качан системди өзгөртүшөт, качан жарандардын убактысын сыйлаган кызмат көрсөтүлөт?" - деп жазган окурман өзүнүн билдирүүсүндө.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
0
1 |