Астротөлгө: 12-майда төрөлгөн адамдар кандай болушат?

Бул күнү төрөлгөн букачарлар өзүнө бекем, чыдамкайлык менен кошо сабырсыздыкты камтыган сапаттарга ээ. Бир эле убакта чыдамдуу, кээде сабыры жок адамга айлана алышат. Башка букачарлардан тамакка табити мыктылыгы менен айырмаланат.

Адамдар менен бат тил табышып, тамашакөйлүгү менен баарын жандантат. Абдан шок жана тентек болушат.

Коомдо өзүн башкалардай эмес, өзү каалагандай алып жүрүүнү каалашат. Табиятынан бир нерсени алдын ала туюу сезими өнүккөн. Бирок ал сезимдери менен бөлүшкөндү туура көрбөйт. Бул күнү жарыкка келген букачарлар бирөөнүн катасын далилдеп, ачыкка чыгаруу жагынан эч кимди астына салбайт.

12 саны чексиз эркиндиктин, ишенимдүүлүктүн саны. Сүйүү мамилесинде туруктуулукту жактырышат.

Адатта 12-майда төрөлгөндөр узак убакытка чейин мамиле курушат. Бирок ошол эле учурда өзүн эркин алып жүрүүнү биринчи планга коюшат. Бул күнү төрөлгөн адамдарды кызганып, баскан жерин тескесеңиз мамилеңиз узакка созулбайт.