Санкт-Петербургда жаңы төрөлгөн наристени муздаткычка таштап кеткен кыргыз кызы тууралуу маалымат коомчулукка жарыяланбайт

Санкт-Петербург шаарында төрөп, баласын муздаткычка таштап кеткен кыргыз кызы тууралуу маалымат коомчулукка жарыяланбайт. Бул тууралуу Орусиядагы Кыргыз өлкөсүнүн элчилигинин басма сөз кызматкери Гүлбарчын Байымбетова билдирди.

"Кыргыз жаранына байланышкан аталган окуянын чоо-жайын билүү үчүн Орусиянын тиешелүү органдарына расмий кат менен кайрылганбыз. Алардан жооп келди. Тийиштүү отчётту кыскача өзүбүздүн мекемеге бердик. Бул окуяны коомчулукка жарыялабай эле коюуну туура деп чечтик. Бул жерде өлкөнүн аброю жогору турат", - деди маалымат катчы.

Эске салсак,буга чейин Санкт-Петербург шаарындагы мигранттар жашаган эски жатаканадан муздаткычтан жаңы төрөлгөн наристе табылган. Ымыркайды 14 жаштагы Кыргыз кызы төрөп муздаткычка таштап кеткенин орус басылмалары жазып чыгышкан.