Баткенде белгисиз адам сууга чөгүп, издөө иштери улантылууда

Баткен облусунун Кадамжай районунда эркек адам сууга чөгүп кетти. Бул тууралуу Өзгөчө кырдаалдар министрлигинин басма сөз кызматы билдирди.

Маалыматка ылайык, окуя кечээ, 14-майда болгон.

"Кадамжай районунда эркек адам сууга чөгүп кеткендиги боюнча тийиштүү бөлүмгө билдирүү келип түшкөн. Куткаруу иштерине ӨКМнын №3-өзүнчө куткаруу тобунун 4 куткаруучусу тартылган. Суунун агымы кооптуу болуп, түн киргендигине байланыштуу издөө иштери бүгүн улантылат. Ошондой эле сууга чөгүп кеткен адамдын өздүгү такталууда", - деп билдирди маалымат катчы.