Мигранттардын эсине! Орусияда мигранттардын каттоого туруусу 3 күнгө узартылды

Орусияда мигранттардын каттоого туруусу 3 күнгө узартылды. Бул тууралуу SUPER.KG'ге 15-майда элчиликтин басма сөз катчысы Гүлбарчын Байымбетова кабарлады.

Маалым болгондой, чемпионат 2018-жылдын 14-июнунан 15-июлуна чейин Орусиянын 11 шаарында (Москва, Санкт-Петербург, Казань, Сочи, Нижний Новгород, Самара, Калининград, Екатеринбург, Саранск, Волгоград, Ростов-на-Дону) өтөт. Андыктан үстүбүздөгү жылдын 25-майынан 25-июлуна чейин жогоруда белгиленген 11 шаарда коопсуздукту сактоо үчүн күчөтүлгөн чаралар көрүлөт. Орусия президентинин жарлыгына ылайык, чет элдик жарандар өлкө аймагына кирген күндөн баштап 1 сутканын ичинде каттоого туруусу боюнча убактылуу эреже киргизилген. Бирок бир күндүк каттоого туруу үч күнгө узаргандыгын жана каттоого шаарлардын Көп функционалдуу борборлорунда турууга болорун Кыргыз мамлекетинин Орусиядагы элчилигинин басма сөз катчысы билдирди.

Буга байланыштуу элчилик менен Миграция кызматынын өкүлчүлүгүнүн консулдук мекемелери жок шаарларда убактылуу жашап, иштеп жаткан жарандарга, диаспора өкүлдөрү жолугуп түшүндүрүү иштерин жүргүзөт.

Түшүндүрүү иштери жүргүзүлө турган шаарлар:

- Нижний Новгород (15-май);

- Волгоград (16-май);

- Казань (16-май);

- Ростов-на-Дону (17-май);

- Самара (17-май);

- Саранск (19-20-май);

- Сочи (20-21-май);

- Калининград (6-июнь).

Жолугушуулардын өтө турган орду, убактысы тууралуу төмөндөгү телефон номерлери аркылуу билүүгө болот:

Казань +7 (966) 260-97-60;

Сочи +7(988) 245-43-02, +7 (988) 286-51-20;

Нижний Новгород +7 (967) 713-67-37;

Самара+7 (927) 260-34-84,

Ростов-на-Дону+7 (960) 461-61-61, +7 (918) 528-81-85;

Волгоград+7 (961) 669-95-55;

Калининград+7 (952) 792-15-35;

Саранск +7 (925) 735-49-46.