Ошто 5000дей адам “ата журтчу” депутаттар менен жолугуу үчүн чогулду

Бүгүн, 23-июнда саат 18:00гө Ош шаарындагы А.Сүйүнбаев атындагы спорт стадионунда “Ата Журт” партиясынын камактан бошотулган депутаттары Камчыбек Ташиев, Садыр Жапаров, Талант Мамытовдун Ош облусунун эли менен жолугушуусу белгиленген. Учурда кайсы бир себептерден улам стадионго чогулгандар шаардын борбордук аянтына келишти. Борбордук аянттагы көчөнүн 2 тарабы унаа өтпөө үчүн тосулуп, чогулгандардын саны 5000ге жетти. Азырынча депутаттар эл алдына келише элек.