Бишкекте жана Чүй облусунун айрым жерлеринде электр жарыгы өчүрүлөт

24-июнда саат 9:00дөн 17:00гө чейин Бишкектин Месароша, Почтовый, Средний көчөлөрүндө жана ушул эле убакыттарда Чүй облусундагы Аламүдүн районунун Рассвет айылында, Жайыл районундагы  Кара-Балта шаарынын №37-38-көп кабаттуу үйлөрүндө, Москва районунун Сретенка айылында электр жарыгы үзгүлтүккө учурайт. Бул тууралуу «Түндүк электро» ишканасынын басма сөз кызматы билдирди. Электр жарыгынын убактылуу өчүрүлүшү 0,4 кВ аба электр берүү чубалгыларын монтаждоого, техникалык тейлөөлөргө байланыштуу.