Супер-Инфо
super.kg видео
Эрдоган БУУну "адилетсиз саясат жүргүзүүдө" деп сындады
"Бириккен Улуттар Уюму кулап жатат". Мындай пикирин Түркия президенти Режеп Тайып Эрдоган президенттик үйдө өткөрүлгөн ооз ачуу иш-чарасында айтканын чет элдик басылмалар жазып чыгышты.
Эрдоган БУУнун таасири барган сайын жоголуп бара жатканын билдирди. "Бириккен Улуттар Уюму дүйнөлүк көйгөйлөрдү чечүүдө өзүнүн мүмкүнчүлүктөрүн жоготууда. Жакында эле Газа секторундагы кагылышууда ондогон палестиналыктар көз жумду. БУУ дүйнөгө "кош стандарт" саясатын жүргүзүүдө. Эгер Газадагыдай кандуу окуя дүйнөнүн башка бөлүгүндө болгондо баары каршы пикирин билдирмек. Бирок, тилекке каршы, дүйнө коомчулугу Израилдин палестиналыктардын үстүнөн жасаган басымына көңүл бурбай жатат", - деди Эрдагон.
Ошондой эле түрк лидери Израилдин куралдуу аракеттерине жооп кайтарылбаса, дүйнөнү чоң коркунуч күтүп турарын эскертти.
Эске салсак, 14-майда АКШ Израилдеги элчилигин дүйнөлүк диндер үчүн маанилүү роль ойногон Иерусалим шаарына көчүргөн. Мындай аракеттен кийин Газа секторунда палестиналыктар нааразычылык билдиришип, Израиль армиясы менен кагылышкан. Натыйжада 60тай адам көз жумганы айтылууда.
-1
Америка ВТО (Дуйнолук Соода Уюмунун) мучосу боло туруп Оруссияга санкция киргизуудо. Кайсы укугуна таянып?!! Анда ВТО Американы мучолуктон чыгарсын!!! БУУ, МВФ, ВТО ж.б.уюмларды жоюп салуу керек, алар Американын козун караган марионетка уюмга айланып калышты...