Кыргыз өлкөсүнүн сиз көрө элек сулуулугу сүрөтчүнүн камерасында катылган

Кыргыз өлкөсүн сүрөт аркылуу океандын ары жагына чейин тааныткан фотографтардын көбөйүп баратканы кубандырат. Дүйнөнү түрө кыдырып, жаратылыштын кооздугун даңазалаган сүрөтчүлөрдүн бири Денис Французов. Орусиялык сүрөтчү Кыргыз жергесине келип, жети дубандын тоолорун, түздөрүн, шаркыраган сууларын камерасынын объективине түшүрүп кеткен. Эмесе, сүрөтчүнүн эмгегине көз чаптырыңыз.

Анын Кыргыз өлкөсүнө болгон саякаты кандай өткөнүн сүрөттөрдөн баамдаңыз.

Денис Французов Кыргыз жергесинин көлдөрүнүн, суусунун тунуктугун, тазалыгын сүрөт аркылуу башкаларга жеткире алган.

Белгилей кетсек, Денис Французов 1983-жылы Орусиянын Ставрапольск кыштагында төрөлгөн. Учурда "Vintage" компаниясында иштейт. Аны менен катар эле үй-бүлөсү менен жер шарынын ар кайсы бурчуна барып, сүрөткө тартат.