Астротөлгө: 19-май күнү төрөлгөндөр лидер болушабы?

Бул күнү жаңычылдык жасаган, дайыма биринчилерден болуп жаңы долбоорлорду иштеп чыккан лидерлер төрөлөт. Алар кандай гана иш болбосун ага өзгөртүү киргизүүнү, башкарууну жактырышат. Ички туюму жогорку деңгээлде өнүккөн.

Карьерада көптөгөн ийгиликтерге жетишет. Бирок чөйрөсүндөгү адамдарга каардуу мамиле жасайт. Башкалардын баш ийип, анын оюна кошулганын, жардам берүүсүн күтөт. Бирок өздөрү андай кадамдарды такыр жасабайт. Башкалардан дымагынын күчтүүлүгү менен айырмаланат.

Баса, бул күнү жарыкка келгендердин ден соолугу, жеке жашоосу бир аз татаал болот. Мындай кыйынчылыктар бул күнү төрөлгөн букачарларды мокотпойт. Тескерисинче, бышык болуп, бутуна турууга үйрөтөт.

19 санынын алдында жарыкка келгендер ички туюмун укпай, акылына таянса, бир күнү бармагын тиштеп калат. Ошондуктан кыйын учурда ички туюму эмне деп жатканына маани бериши керек.
Ушул күнү жарыкка келген букачарлар жашоодо материалдык байлыкка көп умтулбаганы оң. Анткени акча алардын башка кызыкчылыктарын бууп саларын жылдыздар эскертишет.