Бала төрөөгө тыюу салынган аралда 12 жылдан кийин биринчи ирет наристе төрөлдү

Бала төрөөгө тыюу салынган Фернанду-ди-Норонья аралында 12 жылдан бери алгачкы ирет ымыркай төрөлдү. Мындай маалыматты чет элдик басылмалар жазып чыкты.

Белгилүү болгондой, аталган аралдын 22 жаштагы тургуну кыз төрөгөн. Ал ай-күнү жетип, төрөтү башталып калганын билген эмес. Ага жолдошу жардамга келип, үй шартында төрөтүп алган. Аман-эсен төрөлгөн ымыркай Фернанду-ди-Норонья аралындагы медициналык жайга жеткирилген.

Белгилей кетсек, аталган арал Бразилиядан 350 километр алыстыкта жайгашкан. Фернанду-ди-Нороньяда төрөткана, төрөт бөлүмү, ал тургай акушерлер жок болгондуктан кош бойлуу аялдарды Бразилиянын шаарларындагы жибергенге мажбур болушкан. Ошондой эле аралдын жашоочуларынын саны кескин өсүп кетпеш үчүн дайыма тыкыр көзөмөлгө алынып келет.