Бишкекте каракчылык кылууну көздөгөндөр кармалды

Бишкек шаарында ыкчам-тергөө иштеринин жүрүшүндө каракчылык кылууну көздөгөндөр кармалды. Бул тууралуу Бишкек ШИИББинен билдиришти.

Маалыматка ылайык, 20-май күнү Тойота Карина үлгүсүндөгү унаа токтотулуп текшерилген. Аны текшерүү учурунда ичинде 4 адам болгон. Аларды жеке текшерүүгө алганда, белгисиз үлгүдөгү тапанча, мээлей, бет кап, уюлдук телефон, зым жана башка буюмдар табылган.

"Шектүү катары 24 жатагы Э.Ы., 29 жаштагы Ж.М., 31 жаштагы М.А. жана 29 жаштагы Т.Э. кармалган. Алар сүйлөшүп алып, бирөөнүн акчасын тартып алуу үчүн кол салууга даярданып жатышканын билдирген", - деп айтылат маалыматта.

Аталган факт боюнча Кылмыш-жаза кодексинин 27-168-беренеси (каракчылык) менен кылмыш иши козголуп, шектүүлөр убактылуу кармоочу жайга киргизилген.