Жогорку Кеңеш Кыргыз-Казак чек арасы боюнча маселелерди жабык кароону чечти

Жогорку Кеңештин бүгүн, 23-майдагы жыйынынын күн тартибине Кыргыз-Казак чек арасына байланышкан эки маселе коюлган. Биринчиси - "Кыргыз Республикасы менен Казакстандын ортосундагы мамлекеттик чек арасын демаркациялоо жөнүндө келишимди ратификациялоо тууралуу" мыйзамдын долбоору. Экинчиси - "Кыргыз өкмөтү менен Казакстан өкмөтүнүн ортосундагы Кыргыз-Казак мамлекеттик чек ара режими жөнүндө макулдашууну ратификациялоо тууралуу” мыйзамдын долбоору.

Бирок өкмөт аталган эки маселени тең жабык эшик артында кароо сунушун киргизди. Сунуш добуш берүүгө коюлуп, депутаттар колдошту.