"Мекен шейиттери" уюму "ата журтчу" 3 депутаттын акталышына нааразы

Бүгүн, 24-июнда "Мекен шейиттери" уюмунун мүчөсү Гүлмира Абдылдаева маалымат жыйында "ата журтчу" 3 депутаттын бошотулушу туура эмес экендигин айтты. Анын айтымында, маселе мындай өңүттө чечиле турган болсо, 7-апрель окуялары боюнча дагы сот иши аягына чыгыш керек. "Депутаттардын абактан бошонуп, ар кайсы жерде түлөө, тынчтык митингдерин өткөрүшү - жапайычылык. Алардын бошотулушуна өлкөдөгү ар кандай митингдер себеп болду",- дейт Абдылдаева.