Ошто уюшкан кылмыштуу топтун эки мүчөсү кармалды

Ошто уюшкан кылмыштуу топтун эки мүчөсү кармалды. Бул тууралуу ИИМдин маалымат кызматынан кабарлашты. Маалым болгондой, Ош ШИИБинин нөөмөт бөлүмүнө Ю.М. аттуу жаран кайрылып, 20-май күнү болжол менен саат 21:30 чамасында базарлардын биринен жанынан белгисиз эки адам унаасына салып кетип ур-токмокко алышканын айткан. Жабырлануучу денесине алган жаракаттарынын оордугун текшерүү үчүн соттук-медициналык эспертизадан өтүүгө жөнөтүлгөн.

ИИМдин Криминалдык милиция кызматынын аймактар аралык башкармалыгынын кызматкерлери тарабынан жогорудагы кылмыш иши боюнча ыкчам-тергөө иштери жүргүзүлгөн. Анын жүрүшүндө шектүү катары уюшкан кылмыштуу топтун мүчөлөрү катары ИИМдин атайын каттоосунда турган Кара-Суу районунун 33 жаштагы Р.Н., Ош шаарынын 33 жаштагы А.М. аттуу тургундары колго түшкөн. Кармалган жарандар Ош ШИИБинин убактылуу кармоочу жайына киргизилишти.
Жогорудагы фактылар боюнча Кыргыз Республикасынын Кылмыш-жаза кодексинин 123-беренеси (адам уурдоо) жана 167-беренеси (тоноо) менен кылмыш иштери козголуп, иликтөө иштери жүрүп жатат.