Канат Исаевдин иши карала турган соттук отурум башталып, жарыш сөз сүйлөнүп жатат

Бүгүн, 24-майда саат 9:30да Бишкек шаардык сотунда Канат Исаевдин иши каралмак. Бирок жактоочу кечигип жатканына байланыштуу сот жарым саатка тыныгуу жарыялаган. Тыныгуудан кийин отурум уланып, жарыш сөз орун алып, тергөөчү сүйлөп жатат.
Айта кетсек, Бишкек шаарынын Биринчи Май райондук соту ушул жылдын 4-январында Канат Исаевди 2008-2010-жылдар аралыгында Токмок шаарынын мэри кызматын аркалап турганда "пара алууга жол берген жана кызмат абалынан кыянаттык менен пайдаланган" деп 12 жылга эркинен ажыраткан. Ошондой эле мүлкүн конфискациялоо менен бирге жазасын өтөгөн соң 3 жылга чейин мамлекеттик кызматтарда иштөөгө тыюу салган. Соттун чечимине макул эместигин билдирип, анын жактоочулары шаардык сотко даттанышкан.