Улан Примов: "Жылы эски унааларды өлкөгө ташып кирүүгө тыюу салуу керек"

Жылы эски унааларды өлкөгө ташып кирүүгө тыюу салуу керек. Мындай сунушту депутат Улан Примов Жогорку Кеңештин 24-майдагы жыйынында айтты.

"1995-2000-жылга чейин чыгарылган унааларды өлкөгө ташып кирүүгө же каттоого тыюу салуу керек. Эски унааларды алып кирип каттоого ала берсек, экология жана жол коопсуздугу эмне болот?" - деди Примов.

Мамлекеттик каттоо кызматынын жетекчисинин орун басары Айнура Туйбаева өлкөгө киргизилип жаткан унаалардын жылына карап тыюу салынбай турганын айтты.

Туйбаеванын айтымында, учурда 1 миллион 200 миң унаа каттоодон өткөн. Каттоосу жок жүргөн унаалардын саны белгисиз.