Жогорку Кеңеш Кыргыз-Казак чек арасы боюнча маселелерди жабык кароону улантууда

Жогорку Кеңештин депутаттары 24-майдын күн тартибине коюлган маселелерди карап бүтүп, Кыргыз-Казак чек арасы боюнча мыйзам долбоорлорун кароого өтүштү. Төрага Дастанбек Жумабеков 23-майда мыйзам долбоорлорун карап бүтпөй калышкандыктан бүгүн улантыла турганын белгиледи. Бирок жыйын бүгүн да жабык эшик артында уланууда. Ага өкмөттүн тийиштүү мүчөлөрү катышууда.

Каралып жаткан маселелердин биринчиси - "Кыргыз Республикасы менен Казакстандын ортосундагы чек араны демаркациялоо жөнүндө келишимди ратификациялоо жөнүндөгү" мыйзамдын долбоору.
Экинчиси - "Кыргыз өкмөтү менен Казакстан өкмөтүнүн ортосундагы Кыргыз-Казак мамлекеттик чек ара режими жөнүндө макулдашууну ратификациялоо тууралуу” мыйзамдын долбоору.