ЭЛДИК ВИДЕО: "Ачууланган небере чоң атасын "Машыкпай, кечке телефон "чукулаешь" деп тилдеди"

"Медиа-порталдын" "Элдик видео" бөлүмүнө "Ачууланган небере чоң атасын "Машыкпай, кечке телефон "чукулаешь" деп тилдеди" деген аталыштагы видео жүктөлдү.

Видеодон кичинекей кыздын чоң атасын тилдеп жатканын көрүүгө болот. Анда ал улуулардын баарына телефондон бошобогондугу үчүн нааразы болуп жатат.

Эң кызыгы, кыздын бал тилинде экенин социалдык тармакка тараган бул видеону көргөндөр белгилөөдө. Анда кыз кыргыз-орус тилдерин аралаштырып сүйлөп, бирок чоң атасынын жоругуна нааразычылыгын ачык түшүндүргөн.

"Сен эртеден кечке телефон чукулаешь" деген кыздын сөзүнө чоң атасы оңдоо киргизгени менен, кыз ал сөзгө көп деле маани бербей, сөзүм атама таасир этсе экен деп, чоң атасы да, агасы да сыртка чыгып машыкса, деген оюн билдирген.

"Уктаарда да, отурсаңар да телефон "чукулаете", бочка сыяктуу болуп кетесиңер, андан көрө эшикке чыгып машыгышыңар керек. Сен улгайган адам эмессиң, машык", - деп кичинекей кыз чоң атасын тилдеди.