Чүйдө электр энергиясын мыйзамсыз колдонуу фактыларын аныктоо үчүн комиссия түзүлөт

Бүгүн, 24-июнда Энергетика жана өнөр жай министрлигинде жыйын болуп, анда министр Осмонбек Артыкбаев электр энергиясын мыйзамсыз пайдалануу менен күрөшүү маселесин ортого салды. Министр Чүй облусунда электр энергиясын мыйзамсыз колдонуучуларды аныктоо үчүн атайын комиссия түзүү тапшырмасын берди."Комиссиянын курамына жалаң гана энергетика тармагынын адистери кирбеши керек",- деген Артыкбаев коомдук кабылдамаларда жана диспетчердик пункттарда системдүү иш алып баруу жокко эсе экендигин баса белгиледи.