ЖЫЛНААМА, 30-МАЙ: Жогорку Кеңештин депутаты Бакытбек Жетигенов 52 жашка толду

Мындан 52 жыл мурун, 1966-жылдын 30-майында Жогорку Кеңештин депутаты Бакытбек Жетигенов Чүй облусунун Чүй районундагы Сайлык айылында туулган.

Жогорку билимдүү.

1991-жылы Кыргыз мамлекеттик дене тарбия институтун “машыктуруучу-мугалим” адистиги боюнча жана 2013-жылы Ж. Баласагын атындагы Кыргыз мамлекеттик улуттук университетинин Юридикалык институтун “юриспруденция” адистиги боюнча бүтүргөн.

Эмгек жолун 1988-жылы МПМКга бетон даярдоочу болуп иштөөдөн баштаган.

1988-жылы “Ирригатор” бакча коомчулугуна кароолчу болуп орношкон.

1989-жылы №2-тазалоо-пресстөөчү цехке 2-разряддагы транспортировщик болуп дайындалган.

1992-жылдан 2010-жылдын сентябрына чейин жеке ишкердик менен алектенген.

2010-жылдын ноябрында “Ар-Намыс” саясий партиясынын тизмеси боюнча Жогорку Кеңештин V чакырылыштагы депутаты болуп шайланган.

2015-жылдын 4-октябрында КСДПнын тизмеси боюнча Жогорку Кеңештин VI чакырылыштагы депутаты болуп шайланган.

Үй-бүлөлүү, үч баланын атасы.

Мамлекеттик кызматтын 3-класстагы мамлекеттик кеңешчиси.

30-майга карата жылнаама