Башкы прокурордун биринчи орун басары Бөкөнбай Казаков кызматынан кетти

Башкы прокурордун биринчи орун басары Бөкөнбай Казаков ээлеген кызматынан бошотулду. Бул тууралуу президенттик аппараттын маалыматтык саясат бөлүмүнөн билдиришти.

Маалыматка караганда, президент Сооронбай Жээнбеков кол койгон буйрукка ылайык, Кыргыз Республикасынын башкы прокурорунун биринчи орун басары Бөкөнбай Казаков башка ишке өткөндүгүнө байланыштуу ээлеген кызматынан бошотулган.

Айта кетсек, Бөкөнбай Казаков 1972-жылы 1-апрелде Фрунзе шаарында (Бишкек) төрөлгөн. Жогорку билимдүү. 1994-жылы Кыргыз мамлекеттик улуттук университетинин юридикалык факультетин аяктаган.

Эмгек жолу:

1994-2000-жылдары - тергөөчү, прокурордун жардамчысы, ага тергөөчү, Бишкек шаарынын Свердлов районунун прокурорунун орун басары;
2000-2004-жылдары - Свердлов районунун прокурору. Бишкек шаарынын прокурорунун орун басары, Башкы прокуратуранын бөлүм башчысы;
2007-2009-жылдары - Ош прокуратурасын жетекчиси;
2009-жылы - Бишкек шаарынын прокурору;
2014-2015 - Коррупцияга каршы күрөшүү кызматынын жетекчиси.

Үй-бүлөлүү, эки баланын атасы.