1-июлдан тартып аткаминерлердин декларациялары текшериле баштайт

1-июлдан баштап жогорку саясий жана башкы администрациялык кызматтарды ээлеген кызмат адамдарынын салык декларациялары текшерилип баштайт. Бул тууралуу Коопсуздук кеңештин катчысы Дамирбек Сагынбаев 31-майда өткөргөн маалымат жыйынында билдирди. Ошондой эле аны менен бирге тиешелүү мамлекеттик органдардын, мамлекеттик жана муниципалдык кызматкерлердин салык декларациясы текшерилет.

"Кылмыш-жаза кодекси менен кызмат адамдары тарабынан кылмыштуу кирешелерди мыйзамдаштыруу жана мыйзамсыз байыгандыгы үчүн кылмыш жоопкерчилиги каралган. Аткаминерлердин кирешелерине караганда чыгашалары кыйла ашып түшсө, бул адамдарга карата материалдар прокуратура органдарына алардын иш-аракеттерине юридикалык баа берүү үчүн жиберилет", - деп эскертти Дамирбек Сагынбаев.