Шаардык сот Карганбек Самаковду 10 жылга кесүү боюнча өкүмдү күчүндө калтырды

1-июнда Бишкек шаардык сотунда Жогорку Кеңештин мурдагы депутаты Карганбек Самаковдун, мурдагы өкмөт башчы Игорь Чудиновдун жана мурдагы вице-премьер-министр Искендербек Айдаралиевдин иши каралып, сот чечимин чыгарды.

Ага ылайык, Бишкек шаарынын Октябрь райондук сотунун өкүмү өзгөрүүсүз калды.

Самаковдун жактоочусу бул чечимдин үстүнөн Жогорку Сотко арызданарын айтты.

Эске салсак, 2017-жылы 19-декабрда Бишкек шаарынын Октябрь райондук соту 262 гектар жер тилкесин мыйзамсыз трансформациялоо боюнча айыпталган Жогорку Кеңештин мурдагы депутаты Карганбек Самаков 10 жылга күчөтүлгөн тартипте эркинен ажыратып, мүлкүн конфискациялоо чечимин кабыл алган.

Ошондой эле бул окуяга күнөөлөнгөн Кубанычбек Самаков, Аликбай Сариев, Урмат Нурдинов, Эрнис Койчуманов жана Абай Таштанбеков күчөтүлгөн тартипте 8 жылга эркинен ажыратылган.

Ал эми Игорь Чудинов менен Искендербек Айдаралиевге 5 миллион сомдон айып салынды. Арстанбек Ногоев, Курманбек Бакиев, Жаныш Бакиев 10 жылга эркинен ажыратылган.