Баткен аймагындагы чек араларды жабдууга быйыл 144 миллион сом берилет

2013-жылы Баткен облусундагы мамлекеттик чек араларды жабдууга 144 миллион сом каралган. Бул тууралуу 24-июнда ЖКнын Коргоо жана коопсуздук боюнча комитетинин жыйынында каржы министри Ольга Лаврова билдирди. Айтымында, бул каражаттар Баткен облусундагы мамлекеттик чек араларды жабдууга, электр зым карагайларын орнотууга, фельдшердик акушердик пункттарды жана чек ара бекеттерин курууга жумшалат. “Жыл башынан бери 40 миллион сом бөлүндү”,- деди министр.