70 миллион долларга сатылган Ferrari дүйнөдөгү эң кымбат унаа деп табылды

1963-жылы чыккан Ferrari GTO үлгүсүндөгү автоунаа дүйнөдөгү эң кымбат машина деп табылып, рекордду жаңылады. Мындай маалыматты чет элдик басылмалар жазып чыкты.

Белгилүү болгондой, аталган унаа 70 миллион долларга сатылган. Ferrari GTO унаасын немис коллекционери Дэвид Макнил алган. Мындай сумма автоунаалардын баасы боюнча тарыхта калды. Анткени буга чейин бардык класстагы машиналардын бири да жогорудагыдай баада сатылган эмес. Бир гана 2013-жылы Ferrari унаасы 52 миллион долларга сатылып, рекорд койгон.

Ferrari GTO унаасы эмнеге кымбат сатылды деп жатасызбы? Анткени бул унаа 1964-жылы "Tour de France" унаалар жарышына катышып, биринчи орунду багындырган. Мындан тышкары бир нече ирет жарышка чыгып, рекорд жасаган. Бирок бир да жолу кырсыкка кабылган эмес.

Белгилей кетсек, "Ferrari" компаниясы 1962-1964-жылдар аралыгында 36 унаа чыгарган.