Жети-Өгүздө тургун чымчыкты атам деп жатып кошуна келинди атып алды

Ысык-Көл облусунун Жети-Өгүз районуна караштуу Кызыл-Суу айылынын тургуну чымчык атам деп, адашып кошуна келинди атып алды. Мындай маалыматты SUPER.KG порталына Ысык-Көл ОИИБинин басма сөз кызматынан билдиришти.

Басма сөз катчынын айтуусуна караганда, окуя 3-июнда болгон.

"Кызыл-Суу айылынын тургуну короого конгон чымчыктарды тир менен атып жатып, кокусунан короосунда жуулган кийимдерди жайып жүргөн 37 жаштагы кошунасын атып алган. Жабыркаган келинге ооруканадан биринчи медициналык жардам көрсөтүлүп, келин кайра үйүнө кайтарылган. Ал кошунасына карата арыз жазган эмес. Учурда тийиштүү экспертизалар тартылып, териштирүү иштери жүрүп жатат. Мындан сырткары тир ээсинен алынган, эгер мыйзамсыз алып жүргөн болсо, анда административдик чара көрүлөт", - дейт басма сөз катчы.