Таласта мектеп окуучусуна ок тийип, ал ооруканага жаткырылды

Талас облусунда 5-класстын окуучусунун колуна ок тийип, ал Бишкек шаарындагы №4-ооруканага жаткырылган. Бул тууралуу SUPER.KG порталына 4-шаардык оорукананын Травматология жана ортопедия илим изилдөө борборунунан билдиришти.

"Колуна ок тийген окуучу бала биздин ооруканага кайрылганына 1 аптадай болуп калды. Жаракат алып келген окуучунун колуна дароо эле операция жасалган. Учурда баланын акыбалы канааттандырарлык. Эгер операция жасалган жери бат айыгып кетсе, анда ооруканадан үйүнө чыгарылат", - деп билдиришти аталган борбордон.