Жайыл РИИБинде бычакталган Бурулайдын өлүмү боюнча 23 милиция кызматкерине чара көрүлдү

Милиция бөлүмүндө бычакталып, каза болгон Бурулайдын иши боюнча ИИМдин Ички иликтөө кызматы тарабынан жүргүзүлүп жаткан кызматтык иликтөө аяктады. Бул тууралуу ИИМдин басма сөз кызматы билдирди.

Маалыматка ылайык, Чүй ОИИББинин жана Жайыл РИИБинин жетекчилигинин кызматка болгон мамилелери жөнүндө кызматтык иликтөө жүргүзүлүп, жыйынтыгында кызматкерлердин ишке болгон мамилесиндеги кемчиликтери аныкталды.

Кызматынан бошотулгандар:

Н. Сарчаев., Чүй ОИИББинин башчысы;

К. Жумаев., Чүй ОИИББинин башчысынын орун басары;

М. Асанов., Чүй ОИИББинин башчысынын орун басары;

М. Исмаилов., Жайыл РИИБинин башчысы;

А. Аблабеков., Жайыл РИИБинин коомдук коопсуздук кызматынын башчысынын орун басары;

Э. Кадышев., Жайыл РИИБинин тергөөчүсү;

Т. Ниязалиев., Чүй ОИИББинин жол коопсуздугун камсыз кылуу бөлүмүнүн жолду көзөмөлдөө бөлүмүнүн башчысы;

Т. Макашов., Чүй ОИИББинин жол коопсуздугун камсыз кылуу бөлүмүнүн нөөмөт бөлүмүнүн ага тескөөчү-нөөмөткери.

Кызматынан биротоло бошотулгандар:

Ж.Абыканов., Жайыл РИИБинин башчысынын орун басары;

И. Иманалиев., Жайыл РИИБинин нөөмөт бөлүмүнүн ага нөөмөткер-тескөөчүсү;

Н.Эсенкулов., Жайыл РИИБинин нөөмөт бөлүмүнүн нөөмөткер-милиционери;

М. Макеев., Жайыл РИИБинин нөөмөт бөлүмүнүн имарат күзөт тобунун милиционери;

А.Атакулов., Жайыл РИИБинин нөөмөт бөлүмүнүн имарат күзөт тобунун милиционери.

Сөгүш алгандар:

Э.Орозакунов., ИИМдин коомдук коопсуздук кызматынын ыкчам чара көрүү борборунун башчысы;

А. Исаковго., Чүй ОИИББинин коомдук коопсуздук кызматынын башчысы;

А. Сакишов., ИИМдин жол коопсуздугун камсыз кылуу бөлүмүнүн Чүй ОИИББи боюнча башчысы;

Эскертүү алгандар:

Б. Чаргынов., Жайыл РИИБинин башчысынын орун басары;

З. Айткожоев., Чүй ОИИББинин жол коопсуздугун камсыз кылуу бөлүмүнүн 5-взводунун кенже тескөөчүсү;

К. Сабыров., Жайыл РИИБинин тергөөчүсү;

А. Ормокеев., Жайыл РИИБнүн криминалдык милиция кызматынын ыкчам өкүлү;

З. Байтереков., Чүй ОИИББ боюнча жол коопсуздугун камсыз кылуу бөлүмүнүн 5-взводунун кенже тескөөчүсү;

Б.Майлыбаев., Чүй ОИИББинин кайгуул күзөт кызматыны 2-ротасынын милиционери;

Ш. Юсузов., Чүй ОИИББ боюнча жол коопсуздугун камсыз кылуу бөлүмүнүн нөөмөт бөлүмүнүн жардамчысы.

"Кызматтык иликтөөнүн жыйынтыгы менен жумуштан биротоло айдалгандар - 5, ээлеген кызмат ордунан боштулгандар - 8, кызматка толук эмес ылайыктыгы жөнүндө эскертилгендер -7 жана башка кызматкерлер тартип жазаларына кириптер болушту. Кызматтык иликтөөнүн жыйынтыгы юридикалык баа берүү үчүн прокуратура органдарына жиберилди. Тактай кетсек, Жайыл РИИБинин имаратында жасалган адам өлтүрүү фактысы боюнча Жайыл райондук прокуратурасы тарабынан милиция кызматкерлерине карата Кылмыш-жаза кодексинин 316-беренесинин (шалаакылык) негизинде кылмыш иши козголуп, тергөө иштери жүргүзүлүүдө", - деди маалымат катчы.