Сокулукта аялын жана балдарын сабаган кишиге кылмыш иши козголду

Сокулук районундагы аялын жана балдарын сабап, денелерине залал келтирген 36 жаштагы адамга кылмыш иши козголду. Бул тууралуу бүгүн, 5-июнда SUPER.KG порталына Чүй ОИИББинин басма сөз кызматынан билдиришти.

Маалыматка ылайык, аялын жана балдарын сабады деп кармалган адамга Кылмыш-жаза кодексинин 111-беренесинин (кыйноо) негизинде кылмыш иши козголгон.

Учурда кармалган адам Сокулук РИИБинин убактылуу кармоочу жайына камакка алынган.

Эске салсак, 4-июнда саат 21:00 чамасында Сокулук райондук ооруканасына 2 жана 5 жаштагы эки бала денесиндеги ар кандай жаракаттары менен түшкөнү кабарланган.