2012-жылы Ысык-Көл облусунда жакырчылык 1,4 пайызга төмөндөсө, Жалал-Абад облусунда 10 пайызга өскөн

2012-жылы 2011-жылга салыштырмалуу жакырчылыктын саны өлкөнүн Чүй, Талас, Нарын облустарында 10 пайызга азайган. Бул тууралуу улуттук статистика комитетинин басма сөз кызматы билдирди. Маалыматка ылайык, Баткен, Ысык-Көл облустарында жакырчылык 1,4 пайызга төмөндөгөн. Ал эми Жалал-Абад облусунда жакырчылык 10, 4 пайызга жогоруласа, Ош облусундагы көрсөткүч 6,8 пайызга жогорулаган. Бишкек шаарында жакырчылык 3 пайызга өскөнү белгилүү болду.