Бишкекте кыз-келиндер митингге чыгышты

Бүгүн, 9-июнда Бишкектеги Уркуя Салиеванын эстелигинин жанына кыз-келиндер өз укуктарын коргоп митингге чыгышты. "Биз аялдардын укугун коргойбуз" деп аталган иш-чарага 200дөй кыз-келин жана маданият чөйрөсүнүн өкүлдөрү катышууда. Алар колдоруна ала качкан жигиттин колунан милиция бөлүмүндө каза болгон 20 жаштагы Бурулай Турдали кызынын сүрөттөрүн көтөрүп алышкан.
Митинг жыйынтыкталгандан кийин колдоруна ак лента байлаган катышуучулар Бурулайдын элесине арналган жөө жүрүшкө чыгышат.

Эске салсак, 27-майда 29 жаштагы жигит 20 жаштагы кызды ала качып бара жатып Сосновка айылындагы посттон кармалып, Жайыл РИИБине жеткирилген. Бирок ал бала кызды ошол жерден бычактап, өзүн да өлтүрүүгө аракет кылган. Факты боюнча кылмыш иши козголуп, ИИМдин 20дан ашык кызматкери жумуштан бошотулган.