Көкөмерен суусуна унаасы менен түшүп кеткен 4 жаранды издөө иштери уланууда

Чүйдүн Көкөмерен суусуна унаасы менен түшүп кеткен 4 жаранды издөө иштери улантылууда. Бул тууралуу ӨКМнын басма сөз кызматы билдирди. Эске сала кетсек, Чүй облусунун Жайыл районунда 23-июнда саат 19:30 чамасында Кочкор – Арал - Төө-Ашуу унаа жолунун 168-чакырымында Тойота-Лэнд Крузер унаасы аталган дарыяга түшүп кеткен. Унаада айдоочу менен 4 жүргүнчү болгон, 1 жүргүнчү өз күчү менен суудан чыккан. Калган 3 жүргүнчү жана айдоочу унаа менен кошо сууга агып кеткен. Тирүү калган адам 1978-жылы туулган Арзмани Смаровдун башы жарылып, кабыргасы сынып Суусамыр айылындагы ФАПта дарыланууда. Сууга агып кеткендердин 2өө кыргыз болсо, 2өө кытай жарандары болгон.