2017-жылы бюджеттен 11 миллиард сомдон ашык каражат максатсыз коротулган

2017-жылы бюджеттен максатсыз иштетилген каражаттардын 81 пайызы калыбына келтирилген. Бул тууралуу 11-июнда парламенттик комитеттин жыйынында Эсептөө палатасынын төрагасы Улукбек Марипов билдирди.

Анын айтымында, былтыр укук коргоо органдарына 51 материал жиберилген.

"Былтыр 11 миллиард сомдон ашык каржылык мыйзам бузуу катталып, 81 пайызы калыбына келтирилди. Биздин мекеме тарабынан ар кайсы ишканаларга 1 миң 300 жазма буйрук жиберилген. 2017-жылы укук коргоо органдарына туура эмес коротулган, 600 миллион сомго чукул уурдалган каражат боюнча 51 материал жибердик. Прокуратурага 16, Экономикалык кылмыштарга каршы күрөшүү кызматына 33, УКМКга 2 материал жиберилген. Президент жана Жогорку Кеңеш тарабынан былтыр 200 суроо-талап келип түштү. Коопсуздук Кеңешке болсо 37 маалымат жибердик", - деди Марипов.

Учурда Жогорку Кеңештин бюджет жана финансы комитетинде Эсептөө палатасынын отчёту каралууда.