Акыйкатчы Турсунбек Акун ооруканада

Акыйкатчы Турсунбек Акун Баткен облусундагы Кызыл-Кыя шаардык ооруканасында дарыланууда. Бул тууралуу Акыйкатчы институтунун басма сөз катчысы Мирбек Найзабеков бүгүн, 25-июнда “SUPER.KG” порталына билдирди. Маалыматка ылайык, акыйкатчы аталган облуста иш сапары менен жүргөн учурда кан басымы төмөндөп кеткен. “Биз Кадамжай районундагы чек арада чыккан чырдын чоо-жайын билүү үчүн келгенбиз. Ошол жактан акыйкатчы өзүн жаман сезип калды. Кан басымы түшүп, эски дарттары козголуп жатат. Ооруканага кечээ, 24-июнда алып келгенбиз, качан чыгары белгисиз”,- деди ал.