ЭЛДИК ВИДЕО: "Дордой" стадионунда өспүрүм сабалып жатса, күзөт кызматы кайсы жакты карап жатат?" дейт окурман

SUPER.KG порталынын "Медиа-портал" бөлүмүнө "Дордой" стадионунда өспүрүм сабалды" деген аталыштагы видео жүктөлдү.

Аталган видеодо бир өспүрүм экинчисин коркутуп ал кайсы бир оюн учурунда ага туура эмес мамиле кылганын айтканын жана экинчиси кечирим сурап окуяны түшүндүрүп бергиче бетке чаап, андан соң тээп жибергенин көрүүгө болот. Бул видео интернетте кызуу талкуу болуп коомчулукта ар кандай ой пикирлерди жаратты. Көптөгөн интернет колдонуучулар окуя "Дордой" стадионунда болгонун белгилешип, "эмне себептен эл аралык деңгээлдеги мелдештер өткөрүлгөн стадиондун күзөт кызматы өз аймагын көзөмөлгө албай, мындай окуяларга жол берет" деген суроо салышкан.